Duha ka sakop sa pulis ug usa ka sibilyan, samaran human gipamusil sa wala mailang grupo sa Maigo Lanao del Norte.

SAMARAN ang duha ka sakop sa pulis ug usa ka sibilyan human gipamusil sa wala mailang grupo sa Maigo Lanao del Norte kagabii!
Matud ni PRO-10 Spokesperson Police Major Joann Navarro nga samtang anaa sa usa ka establishemento ang mga pulis kalit na lamang giduolan sa usa ka armado ug gipamusil.
Giklaro pa sa opisyal nga padayong gisuta kung miyembro sa Private Armed Group ang mihimo sa krimen.
Sa karon nagpadayon ang Hot Pursuit operation batok sa tulo ka responsible sa maong krimen.
Hisayran nga makita sa mikatag nga video nga anaa sa kan-anan ang mga pulis dihang kalit nga gipamusil sa mga suspek.

“…mao kana atong gina coordinate sa pagka karon sa atong kapulisan sa Lanao del Norte kung unsa nay development sa mao nga case unfortunately ang mga pulis naa sa unstable condition, ang biktima duha ka pulis officers ug isa ka civilian, aduna pay mga hot pursuit operation nga gipahigayon sa kapulisan sa Lanao del Norte…”
PRO-10 Spokesperson Police Major Joann Navarro.

SOURCE: GMCDO
Photo Source: Jill Rose Madraga Loregas