Tulo ka individual patay human nalumos sa dagat sa Opol, Misamis Oriental kagahapong adlawa.
PATAY ang tulo ka individual ug laing usa gidala sa ospital!
Human nalumos sa dagat sa Diversion road sa Zone 7, Barra Opol, Misamis Oriental kagahapon sa buntag.
Ang mga biktima giilang sila’ng Charlene Delante 44-anyos , Nica Delante 22-anyos ug residente sa Dominorog, Talakag, Bukidnon, Ashley Jane Kilnet 13-anyos ug molupyo sa San Pablo Zamboanga Del Sur samtang giila ang biktimang buhi nga si KC Delante 19-anyos.
Base sa initial nga imbestigasyon sa otoridad, wala’y nakakita sa panghitabo, nakita na lamang sa mga nakasaksi nga adunay duha ka tawo ang naglutaw-lutaw ug nagkapa-kapa.
Matud ni Opol Municipal Police Station Investigator On Case Police Corporal Jeffrey Abellanosa nga susamang dead on arrival ang mga biktima.
“…naay nalumos didto sa Zone 7 Barra Opol nga beach resort, diha-diha dayon among gi-respondehan pag abot namo didto ang biktima nga si Nica Delante gidala nadaw sa hospital gi-declare gihapon nga dead on arrival, dayon kaning si Charlene Delante naabtan namo sa area gidala didto sa Opol Health Center gi-declare gihapon ni og dead on arrival kani sila taga Dominorog Talakag Bukidnon, base sa naka kita katong mga namaligya og isda nakit-an niya nga naay isa ka tao nga galutaw-lutaw ug naay isa nga nag kapa-kapa dali-dali niyang gitawag tong mga tao daplin sa bay-bay…”
Opol Municipal Police Station Investigator On Case Police Corporal Jeffrey Abellanosa.
SOURCE: #16
Photo Source: SRLIVE
