18 anyos nga babaye nabanggaan-patay sa motorsiklo sa Cugman Highway ning ciudad!
Patay ang 18 anyos nga babaye human nabanggaan sa motorsiklo sa Cugman Highway, Cagayan de Oro City!
Naila ang biktima nga si Fatima Lorna Mendoza taga Zone 2, Brgy. Cugman samtang ang nakabangga naila nga si Winbert Labadan taga San Martin, Villanueva Misamis Oriental.
Matud ni COCPO-TEU Investigator on Case PSSgt. Alikhan Bancola nga samtang patabok ang biktima sa dalan kalit kining nabanggaan sa motorsiklista hinungdan nga nalagpot ang duruha sa pikas nga dalan.
Nadala pa sa hospital ang biktima apan wala magdugay namatay kini samtang ang driver sa motorsiklo nagpaalim usab sa pribadong hospital human naka-angkon og samad sa kalawasan.
Posibleng mag-atubang sa kasong reckless imprudence resulting to homicide ang driver apan mag-depende gihapon kini sa pamilya sa biktima.
“..nitabok tung biktima nga si Fatima Lorna Mendoza unya pag abot sa tunga didto sa highway sa Cugman kalit niabot tung motor nga raider. I don’t know kung nakita ba to sa rider, nabanggaan niya kini, nilagbot sila sa pikas lane sa dalan. Mingaw to nga time nahitabo medyo kusog kusog ang iyang padagan maong wala makita ang biktima, kung nakita man gali pero alanganin na..”
COCPO-TEU Investigator on Case PSSgt. Alikhan Bancola
SOURCE: SBPSB
Photo: Arielrose De-ala Carasaquit
