Manager ni Lebron, gibutyag nga migamit og illegal bookmaker!
GIBUTYAG sa usa ka report nga migamit og illegal bookmaker ang manager ug business partner ni Los Angeles Lakers superstar LeBron James nga si Maverick Carter niadtong Nobyembre 2021!
Giingong gi-angkon kini ni Carter sa federal investigator.
Gi-cite sa usa ka newspaper ang federal law enforcement units nga misulti si Carter sa agents, nga wala kini makahinumdom nga nagpusta sa bisan unsang dula sa Lakers.
Gihimo ni Carter ang pag-angkom human sa pakighinabi sa agents nga nag-imbestigar sa bookie nga si Wayne Nix, nga pleaded guilty sa kasong gisang-at batok kaniya sa role sa pagpadagan sa usa ka off-shore sports betting ring.
Gikumpirmar kini sa tigpamaba nila ni Carter ug James nga si Adam Mendelsohn nga nahitabo ang interview.
Gidugang pa nga dili si Carter ang target sa investigation.
Hisayran nga gibutyag sa report nga mipusta si Carter 20 ka dula sa football ug basketball, diin ang matag-bet nag-range sa 5,000 US dollar ngadto 10,000 US dollar.
SOURCE: ABS-CBN NEWS
Photo:SportsHandle
