Dallas Mavericks owner Cuban, gibaligya ang majority stake sa NBA club.

GIBALIGYA ni Dallas Mavericks owner Mark Cuban ang majority stake sa NBA Club sa pamilya nga nagpadagan sa usa ka well-known Casino sa Las Vegas!
Makadawat og 3.5 billion US dollar si Cuban, nga gikinahanglan lamang aprobahan sa NBA team owners aron makumpleto.
Rank 7 ang Mavericks sa 30 ka NBA clubs sa Forbes Magazine nga adunay 4.5 billion US dollar worth, niadtong miaging bulan
Dumduman nga gipalit ni Cuban ang majority interest sa team niadtong Enero 2000 sa balor 285 million US dollar.
Samtang, gibutyag nga magpabilin nga operational control sa club ang 65-anyos nga negosyante apan dili magsilbi isip team governor alang sa katuyuan sa NBA.
Dumduman nga pakyas nga makasulod sa playoffs sa dekada, ang Mavericks nakasulod niadtong 2001, ug napildi sa NBA Finals sa Miami niadtong 2006 ug nasakmit ang pinakaunang NBA title niadtong 2011 pinaagi sa pagpildi sa Miami.

SOURCE: ABS-CBN NEWS
Photo Source: CNBC