DOH-10, mikumpirmar nga padayong gi-monitor ang active cases sa food poison sa Lantapan Bukidnon.

MIKABAT sa 110 ka mga indibidwal ang padayong gi-monitor sa Department of Health kon DOH-10!
Human nahilo sa gikaon atol sa kasal sa Lantapan Bukidnon!
Matud ni DOH-10 Regional Epidemiology Surveillance and Disaster Response Unit kon RESDRU Dr. Stephanie Grace Zamora nga sa 195 ka mga indibidwal nga nadala balay-tambalanan 110 na lamang ang padayong gi-monitor apan subject to discharge na ang pipila sa biktima.
Giklaro ni Dr. Zamora nga base sa pagsuta nga nangahilo ang mga biktima sa gikaon nga sud-an nga na-exposed sa init hinungdan nga nagsuka-kalibang og nadala sa balay-tambalanan niadtong Sabado.
Sa karon padayong gi-monitor ang mga active cases sa food poison sa lugar.

“…sa karon kay 110 man tong active dayon then admitted pani sila, 89 ani recovered naman pud wala na gasuka, gakalibanga, dayon nagpadala napud sila og food sample kay ato manang ipadala sa FDA para ma-test, nagpakuha patag other sample since ang una man gud nga nahatag dili ra enough…”
DOH-10 RESDRU Dr. Stephanie Grace Zamora.

SOURCE: SH&V
Photo Source: PIA