Ihap sa mga Journalist nga namatay sa nagpadayong giyera sa IDF ug Hamas, padayong misaka.
MISAKA na sa 53 ka journalist ug media workers ang patay sa nagpadayong giyera tali sa Israeli Defense Forces kon IDF ug militanteng Hamas!
Kini human migawas sa tally sa Committee to Protect Journalist kon CPJ kagahapong adlawa.
Sa maong ihap, 46 niini mga Palestinians, upat (4) ka Israelis ug tulo (3) ka Lebanese ang patay sukad mi-ulbo ang giyera niadtong Oktubre 7 ning tuiga.
Ulahing namatay ang duha ka sakop sa prensa gikan sa Pro-Iranian Lebanese channel nga Al Mayadeen human gilunsad sa Israeli ang airstrikes sa Southern Lebanon.
Gawas sa mga nakabsan sa kinabuhi, laing 11 ka media ang samaran, pipila ang missing ug 18 ang gidakop.
SOURCE: BBC NEWS
Photo Source: CNN
