E-Travel Customs System sa NAIA Terminal-1, gilunsad sa BOC.

GILUNSAD sa Bureau of Customs kon BOC ang E-Travel Customs System sa Ninoy Aquino International Airport kon NAIA Terminal-1!
Kaabag sa BOC sa digital system ang Bureau of Immigration kon BI, Banko Sentral ng Pilipinas kon BSP, Anti-Money Laundering Council kon AMLC ug Department of Information and Communications Technology kon DICT.
Gibutyag ni BOC Commissioner Bienvenido Rubio nga tumong sa bag-ong sistema nga mapaspasan ang pag-proseso sa mga dokumento sa pasahero.
Giklaro pa sa opisyal nga usa ka mahinungdanong lakang sa pag-digitize sa mga proseso sa pagpangolekta ang paghiusa sa Electronic Customs Baggage Declaration Form ug Electronic Currencies Declaration Form sa e-Travel System sa BI alang sa mga traveller ug tripulante nga mahidangat ug mobiya sa Pilipinas.

SOURCE: RNT
Photo Source: INQUIRER