Usa ka STL sa El Salvador Misamis Oriental, gi-raid sa kapulisan human nasuta nga illegal nga nag-operate sa lugar.
Gi-raid sa kapulisan ang usa ka outlet sa Small Town Lottery kon STL nga illegal nga nag-operate sa lugar nga giingong ubos sa HexaPrime Incorporated!
Matud ni Barangay Molugan El Salvador Rosemarie Omadlao nga aduna’y nag-reklamo nga tayador nga wala mabayri human midaog.
Hinungdan nga gipa-ubos sa imbestigasyon ang nahisgutang STL ug nasuta nga wala’y permit to operate ang nahisgutang lotohan.
Giklaro pa sa opisyal nga wala’y mapakita nga resibo ang lotto outlet hinungdan nga gidakop sa El Salvador Municipal police station ang outlet operator.
“…base lang sa akong makuan is gitawagan kog pa witness kay naa daw i-raid kuno, sa ako lang na dunggan nga naay nakadaog nga dako-dako pang ping daw kuno kay gi-deny kay wala daw na nga outlet, then akong na dunggan sa tag-iya sa outlet nga nag operate nga gibayaran nadaw kuno wala lang gibalik…”
Barangay Molugan El Salvador Rosemarie Omadlao.
Sa karon padayong gikuha ang side sa Hexaprime apan pabiling wala nagpagawas og pamahayag kalabot sa niini.
SOURCE: SBPSH
Photo Source: SUNSTAR
