House Bill 3716, nga nagtinguha nga tugotan ang ang paglubong sa mga Filipino sports heroes sa lubnganan sa mga Bayani, aprobado sa House panel.
APROBADO sa House of Representatives panel ang House Bill 3716 nga nagtinguha nga tugotan ang paglubong sa mga Filipino sports heroes sa lubnganan sa mga Bayani!
Ubos sa amendments nga gi-aprobahan sa House Committee on Youth and Sports naglakip ang “Filipino sports heroes” sa regular ug Paralympic athletes nga midaog og Olympic medals, world champions nga gihatag sa Games and Amusment Board ug Hall of Famers nga giila sa international sports federation.
Gikinahanglan usab nga Filipino descent ang mga magdudula.
Mi-uyon usab ang mga magbabalaod nga kung mahimong balaod ang nasangpit nga proposed measure, magamit sa umaabot.
Atol sa House panel hearing gipadayag ni Samahang Weightlifting ng Pilipinas President Monico Puentevella ang kabalaka sa initial inclusion sa listahan sa gold medalist sa Southeast Asian Games ug at least silver medalist sa Asian Games ug gitumbok ang limitadong space sa mga Libingan nga mga Bayani.
Hinungdan nga gipangutana ni Committee Chair ug Isabela 5th District Rep. Faustino Michael Carlos Dy lll ang Armed Forces of the Philippines kung aduna pa’y space sa Libingan nga Bayani.
Mitubag gilayon ang AFP ug mibutyag nga kapi’g katunga sa space sa Libingan ng mga Bayani ang okupado na apan adunay mga inisyatibo ang gitukod sa bag-ong sites sa Visayas ug Mindanao.
Samtang, gi-aprobahan usab sa House panel ang amendments sa balaod nga nagtinguha sa pagdeklarar sa Oktubre matag tuig nga National Esports Month.
SOURCE: ABS-CBN NEWS
Photo Source: SPOT
