Usa ka US tourist, patay human na-unlod ang gisakyang barko sa Bahamas.
PATAY ang usa ka US tourist human na-unlod ang gisakyang barko sa Bahamas!
Base sa report nga kalit na lamang nagtakilid ang barko nga aduna’y usa ka gatos nga pasahero’ng sakay.
Padulong ang turista sa Blue Lagoon Island dihang natigayon ang insidente.
Gawas sa patay, laing duha ka tawo nga sakay ang nadala sa balay tambalanan.
Hisayran nga base sa nakuha nga footage misulod na ang tubig sa barko hinungdan nga mi-ambak ang mga pasahero sa dagat ug nagpakitabang.
Sa karon padayong gi-imbestigaran sa Bahamas authority ang hinungdan sa kalit nga pagkaulod sa barko.
SOURCE: BBC NEWS
Photo Source: THE MIRROR US
