PRO-10, nagtuo nga mapaspasan na ang pagtudlo sa mga suspek nga mipusil-patay sa usa ka radio broadcaster tungod sa reward!

NAGTUO ang PRO-10 nga pinaagi sa reward mapaspasan na ang pagtudlo sa mga suspek nga mipusil-patay sa usa ka radio broadcaster sa Calamba Misamis Occidental!
Human nagtanyag ang Malacañang Security Task Force ug 100,000 thousand pesos nga reward alang sa mga makatudlo sa suspek sa pagpusil-patay kang Juan Jumalon o mas nailang DJ Johnny Walker.
Matud ni PRO-10 Spokesperson Police Major Joann Navarro nga mahimong mokoordinar lamang sa Calamba Municipal Police station kung aduna kini nasayran sa nahimutangan sa tulo ka suspek nga pugsanong misulod sa panimalay sa biktima.
Gipadayag pa sa opisyal nga mas gipalapdan karon ang imbestigasyon tungod sa gipagawas nga kamandoan ni President Ferdinand Marcos Jr., nga paspasan ang pagsulbad sa krimen.

“…aduna nay mga agencies nga naga pledge sa rewards sa maka ila sa maka hatag information sa tulo ka suspetsado behind sa killing of dj johnny walker. Dili sila ang gunman but still pareho japon nga kaso pagaatubangon sa duha…”
PRO-10 Spokesperson Police Major Joann Navarro

SOURCE: SBPSH
Photo: Daily Tribune