Hezbollah, naghulga sa Israel nga magbayad human napatay ang upat (4) ka sibilyan sa Lebanon!
NAGHULGA ang Hezbollah nga magbayad ang Israel!
Human sa airstrike nga mipatay sa tulo (3) ka bata ug usa (1) ka tigulang sa Lebanon.
Gibutyag sa Iran-back Lebanese group Hezbollah nga gitubag nila ang Israeli strike pinaagi sa pagpabuto sa usa ka barrage sa grad rockets sa lungsod sa Kiryat Shmona sa northern Israel.
Unang higayon nga gipahibalo sa Hezbollah ang paggamit sa partikular nga hinagiban sulod sa upat (4) ka semana nga panagsangka sa pwersa sa Israeli.
Matud ni Hezbollah lawmaker Hassan Fadlallah nga magbayad ang kaaway sa gihimong krimen batok sa mga sibilyan.
Samtang gitawag ni Lebanon caretaker Prime Minister Najib Mikati nga “heinous crime” ang insidente.
Gitakda usab nga magsumiter ang Lebanon og reklamo ngadto sa United Nations kalabot sa pagpatay sa sibilyan lakip ang mga bata sa pagpangatake.
SOURCE: GMA NEWS
Photo: Council on Foreign Relations
