Laing 51 ka Palestinians, patay human gibombahan sa Israel ang Maghazi Camp sa Gaza sulod sa 24 oras!

PATAY ang laing 51 ka Palestinians human gibombahan sa Israeli Defense Forces kon IDF ang Maghazi Camp sa Gaza sulod sa 24 oras!
Giingong kini ang bag-ong pagpangatake nga gihimo sa IDF isip tubag sa padayong pagpamagahi sa Hamas militant nga mo-surrender ug undangan na ang pagsabwag og kagubot sa Israel.
Gibutyag ni Gaza Hamas-run Health ministry Ashraf al-Qidra nga daghan pa ang namatay apan dili pa kini ma-account tungod sa nagpadayong kagubot sa lugar.
Gipadayag pa sa opisyal nga sagad sa mga namatay mga babaye ug mga bata.
Hinuon wala pa nagpagawas og pamahayag ang IDF kalabot sa bag-ong pagpangatake.
Ang Maghazi, nahimutang sa Deir al-Balah Governorate sa central Gaza strip.

SOURCE: BBC NEWS
Photo:CNN Philippines