Suspek sa pagpamusil-patay kang Deng Gempesaw, nadakpan kagahapong adlawa!

NADAKPAN sa Police Station 4 Carmen ang gituohang suspek sa pagpamusil-patay sa usa ka radio commentator ug block timer nga si Frederico“ Deng Gempesaw”!
Nunot sa gi-isyu nga warrant of arrest sa judge nga si Marites Felomina Bernales RTC 19, Br. 39 sa kaso’ng “Murder”.
Giila ang dinakpan nga si Peter Quimada Jr., 35-anyos, ulitawo, ug residente sa Zone 5, Macanhan, Brgy. Carmen ning ciudad.
Nahitabo ang pagdakop sa alas 3:30 kaganiha sa hapon sa V. castro street. Brgy. Carmen.
Matud ni COCPO Spokesperson Police Lieutenant Col. Evan Viñas nga dal-on sa issuance judge ang suspek alang sa commitment.

“..alas tres e midya sa kahaponon kapin kon kulang sa V. Castro street, Carmen ning dakbayan nadakpan ang akusado responsableng pagpatay sa maong biktima nga si Frederico “Deng” Gempesaw. Na detenar sa buhatan samtang gihikay ang mga dokumento, ang maong kaso walay pyansa gi rekomenda…”
COCPO Spokesperson Police Lieutenant Col. Evan Viñas

Samtang, wala pa’y impormasyon ang kapulisan sa motibo sa pagpatay tungod kanunay lamang kini nga gayango-yango sa questioning sa kapulisan.
Dumduman nga napatay si Gempesaw niadtong Hunyo 29, 2023.

SOURCE:P.I/#8
Photo: COCPO Information Office