COMELEC, mibarog sa pasalig nga wala’y failure of election sa BSKE 2023.
GIBAROGAN sa Commission on Election kon COMELEC ang pasalig nga wala’y failure of election sa Barangay ug Sangguniang Kabataan Election kon BSKE 2023!
Bisan pa man sa daghang insidente sa kagubot nga na-report kagahapon atol sa pili-ay sa nagkalain-laing polling centers sa tibook nasud partikualr na sa Bangsamoro Autonomous Region in Muslim Mindanao kon BARRM.
Gibutyag ni COMELEC Chairman Atty. George Erwin Garcia nga mahinungdanon ang papel sa mga magtutudlo ug uban pang myembro sa electoral board aron masiguro ang malampusong pagpahigayon sa BSKE.
Giklaro pa niini nga wala’y natalang dagkong problema sa 201, 786 ka mga polling precinct sa nasud gawas na lamang sa aduna’y pipila nga late naka-sugod.
Samtang mitala sa violent incidents ang Election Watchdog Parish Pastoral Council for Responsible Voting kon PPCRV sa BSKE diin sagad niini natigayon sa BARMM.
Una niini, gipadayag ni PPCRV-BARMM Regional Coordinator Fr. Dave Procalla nga duha ang napatay ug lima ang nasamdan sa pagpamusil sa Barangay Buawas, Datu Odin Sinsuat sa Maguindanao del Norte.
SOURCE: RNT
Photo Source: PHILSTAR
