38-ANYOS NGA LALAKI, GIDUNGGAB-PATAY SA WALA MAILANG MGA SUSPETSADO SA BRGY. BUGO NING CIUDAD.

PADAYONG gipangita sa Kapulisan ang mga suspek sa pagpanunggab-patay sa usa ka 38-anyos nga lalaki sa Zone 1, Brgy. Bugo ning ciudad!
Biktima giilang si Ryan Lucagbo, 38-anyos, ulitawo ug residente sa Brgy. Puerto.
Base sa inisyal nga imbestigasyon nga nagbaklay pauli ang biktima kauban ang usa ka menor de edad nga lalaki kalit lamang gidunggab ang biktima sa mga wala mailhing suspetsado daling nakadagan ang menor de edad ug nakaabot sa residential area.
Naka-angkon og samad-dinunggaban ang biktima sa tiyan hinungdan sa hinanaling kamatayon.
Gamit sa suspek ang kutsilyo.
Matud ni Police Station 6 Puerto Police Staff Seargeant Lemuel Tecson nga padayon ang imbestigasyon sa Kapulisan kalabot sa insidente.

“…naa ni siyay samad dinunggaban saiyang tiyan aduna kuno siyay usa lang ka samad, as of now ang suspek is unidentified pa pero nag coduct pa kitag thorough investigation aron identification sa mga suspek for case filing, base sa investigation katong biktima naa siyay kauban nga minor, base sa minor sa pag conduct namo investigation sa iyaha, accordingly gikan sila sa Bugo nag baklay sila pauli so pag abot sa lugar nga panghitabuan gikalitan lang sila pag atang atong duha ka wala mailhi nga mga lalaki tapos sa wala mailhi nga rason gidunggab largo ang biktima…”
Police Station 6 Puerto Police Staff Seargeant Lemuel Tecson.

SOURCE: #16
Photo Source: PS6 PUERTO