Usa ka senior citizen, patay human gituhuang nalumos sa Gusa ning ciudad kaganihang buntag.
PATAY ang usa ka senior citizen human gituhuang nalumos sa Phase 2 Gusa ning ciudad kaganihang buntag!
Ang 72-anyos nga biktima nailang si Wilfredo Valmoria Cadavez, residente sa Baloy Tablon ning ciudad.
Matud sa nakakita nga si Jake Casiño nga naligo nga nag-inusara ang biktima apan pipila ka minuto natingala na lamang kini nga naglutaw na ang sinilas hinungdan nga ilang giduolan.
Nakurat na lamang nga unconscious na ang biktima og nagbula na ang baba niini.
Nagpakitabang gilayon sa recue aron madala sa duol nga balay-tambalanan.
Apan dead on-arrival nga nahidangat sa hospital.
“…nabantayan nako siya nga pag abot bahada siya ni adto na siya sa tubig, wala lang ligo-ligo, taud-taud nabantayan nako nga ang tsenilas nahubo na, so natingala ko nganong gihubo man iyang tsenilas nga daghan man pagang diha sakit baya ng pagang, naay nilabay nga motor ni engon nga biraha sa ninyo ng tao oh kay tao manang nag kulob, pag tan-aw nako ay mao gyud ning tawhana nga naligo oh…”
Jake Casiño, usa sa mga nagtabang sa biktima.
Hisayran nga nakita sa sakyanan sa biktima ang mga basiyo sa ilimnong makahubog apan padayon pang gikumpirmar kung lango kini sa ilimnong makahubog.
SOURCE: PI#27
Photo Source: SRLIVE
