2.4 Milyones pesos, gibana-banang damyos human gilamoy sa kalayo ang usa ka panimalay Barangay Natumolan Tagoloan Misamis Oriental!

MIKABAT sa 2.4 Milyones pesos ang gibana-banang damyos human gilamoy sa kalayo ang usa ka panimalay sa Zone 6, Barangay Natumolan Tagoloan Misamis Oriental!
Ang panimalay gipanag-iyahan ni Melo Micabalo, negosyante sa lugar.
Matud ni Tagaloan Fire Station FO1 Mark Noel Quilab nga anaa lamang sa first alarm ang tawag taliwala nga daghang balay nga nakapalibot niini.
Giklaro pa niini nga dili pa mapiho sa hinungdan sa sunod tungod wala’y tawo sulod sa panimalay atol sa pagdilaab sa kalayo.
Nakurat na lamang ang tag-iya sa panimalay nga nagkalayo na ang pipila ka bahin sa panimalay niini.

“…first alarm siya maam. na fire out alas 9:55 sa gabii, residential usa ra ka balay. More or less 2.4 million, di siya totally dako konkreto lang siya. Ang ngalan sa tag iya sa balay kay Melo Micabalo..”
Tagaloan Fire Station FO1 Mark Noel Quilab

SOURCE: P.I #7
Photo: Municipal Information Office – Tagoloan MisOr