Pagpatuman sa Kontrobersyal nga Maharlika Investiment Fund Act, gisuspenso ni President Marcos Jr.

GISUSPENSO ni President Ferdinand Marcos Jr., ang pagpatuman sa Kontrobersyal nga Maharlika Investiment Fund Act!
Gibutyag sa Malacañang nga buot ni President Marcos Jr., nga ipa-ubos sa makuting pagtuon ang Implementing Rules and Regulations kon IRR aron masiguro nga han-ay ug transparent ang paggamit sa pondo.
Base sa October 12 memorandum nga gipagawas ni Executive Secretary Lucas Bersamin, gimando ni President Marcos nga ipaabot kang Bureau of Treasury Officer-in-charge Sharon Almanza, Land Bank of the Philippines President and CEO Lynette Ortiz ug Development Bank of Philippines President and CEO Michael de Jesus ang pagsuspenso sa IRR sa MIF Law.
Samtang gibutyag ni UP School of Economics Assistant Professor JC Punongbayan nga posibleng nasuta ni President Marcos nga aduna’y red flag sa nahisgutang balaod hinungdan nga gisuspenso una ang pagpatuman niini.
Giklaro pa sa economist nga husto ang gihimo sa executive chief ilabina nga naputos sa kontrobersyal human gipaspasan ang pagpalabang sa nahisgutang balaod.

SOURCE: ANC
Photo Source: CNN