Mga timbangan sa kamerkadohan sa ciudad, hugtanong gi-monitor sa City Price Coordinanting Council ug uban pang buhatan sa gobyerno.

MAG gipahugtan ang pagsusi sa mga timbangan sa Cogon Market!
Alayon sa kasaulogan sa 26th Consumer Welfare Month karong bulana.
Matud ni City Price Coordinating Council Chairman Atty. Edgardo “Egay” Uy nga base sa monitoring kagahapong adlawa aduna’y upat ka timbangan sa Cogon market ang dili accurate hinungdan nga gikumpiskar kini sa CEEBA.
Giklaro pa ni Atty. Uy nga tumong sa kalihukan nga mapanalipdan ang mga konsumante ug mapaabot nga andam ang gobyerno sa pagtan-aw sa katungod sa mga mamalitay.

“…naka check tag 16 ka stall sa Cogon Market, dinhi sa Lapasan, sa utanan, dayon dunay 4 ka timbangan ang nakita nga in-accurate ang tulo
(3) niana gikan sa stall sa Cogon Market, dunay usa nga digital gitaan siyag chance kay basin batterya ray problema so iyang dal-an sa bag-ong batterya, gani amon isunod ning naa sa gawas…”

Samtang nanawagan ang opisyal sa tanang vendor nga likayan ang pagpanikas pinaagi sa in-accurate nga timbangan aron dili kini mag-atubang sa posibleng multa.
Hisayran nga gipangulohan sa City Price Coordinanting Council uban ang Department of Trade and Industry kon DTI-Misamis Oriental, City Finance office ug City Economic Enterprises and Business Development Administration kon CEEBDA ang monitoring sa mga timbangan kagahapong adlawa.

“…ang unsa gyud is confiscation dayon kung dili gyud nila ma justify dunay mga penalties gihapon, ang atong gihimu gahapon atong gi-calibrate tong timbangan ng bayan nga gibutang nato sa mga entrance sa merkado nakita nga accurate pa gyud atong timbangan ng bayan so atong tambag sa mga pumapalit kung ga duda mo sa timbang sa inyong gipalit i-check sa timbangan ng bayan…”
City Price Coordinating Council Chairman Atty. Edgardo “Egay” Uy.

SOURCE: P.I #7
Photo Source: PHILIPPINE STAR