Usa ka tinun-an, patay human gipusil sa naka-riding in tandem nga suspek sa Initao, Misamis Oriental.

GIPUSIL-patay ang usa ka tinun-an sa naka-riding in tandem nga suspek sa Purok 3-C Jampason Initao, Misamis Oriental kagabii!
Ang 23-anyos nga biktimang patay nailang si Mark Allen Tacbubo, graduating sa kursong Criminology ug residente sa nahisgutang lugar.
Matud ni Initao Municipal Police Station Investigator on-case Police/Corporal Santiago Lumansag nga Dead on the spot ang biktima tungod sa tulo nga na-angkong samad-pinusilan sa agtang, kilid ug sa ubos sa mata nga bahin.
Base sa naka-witness nga nagsakay sa motorsiklo ang mga suspek ug misibat gilayon sa dili mapiho nga direksyon human sa pagpamusil.

“…ang nahitabo ani pag uli niya gikan sa skwelahan gitabo siya sa iyang papa nga manihapon na ingon siya nga mag pa xerox sadaw siya kay naa pa siyay klase alas 9 sa buntag mao to pag gawas niya sa ilang balay kay magpa xerox unta siya, naka dunggog tong isa ka witness sa tulo (3) ka buto unya naa pud isa ka witness nga niagi pud siya sa atubangan nga naka kita siya sa riding in tandem nga ang rider helmet tapos ang backrider nga gituohang maoy nag pusil naka jacket lang og itom, duha lang ka empty shell dayon pag tan-aw sa gunshot wound naa sa agtang ug ang isa sa left nga mata ug sa right side sa ubos gamay saiyang mata pud didto naigo…”

Samtang aduna’y pipila ka angolo ang gilantaw sa kapulisan lakip na niini ang election-related incident tungod mikandidato kini isip SK Kagawad sa lugar ug ang mikatag nga report nga nalambigit kini kaniadto sa kasong pagpanglugos.
Sa karon mas gipalawman sa kapulisan ang imbestigasyon aron matumbok ang motibo ug nagpadayon ang hot pursuit operation batok sa mga responsable sa krimen.

“…ang motibo gyud daghan tag mga factor nga atong gitan-aw, ang una kay nidagan mani siyag SK Kagawad sa maong Barangay nila so posible nga kabalo naman ta daan nga once nga election na aduna na gyud election related incident, and then naa man gud haka-haka nga storya ambot kung unsa ka tinuod nga na involve daw ni before sa rape nga case…”
Initao Municipal Police Station Investigator on-case Police Corporal Santiago Lumansag.

SOURCE: P.I #28
Photo Source: GOOGLEMAPS