Dul-ag 1-million pesos, gibana-banang damyos human gilamoy sa kalayo ang Pito ka panimalay sa Zone 3 Barra Opol Misamis Oriental!
MIKABAT sa 750-mil pesos ang gibana-banang damyos human gilamoy sa kalayo ang Pito ka panimalay sa Zone 3, Barangay Barra Opol Misamis Oriental
Matud ni Opol Fire Station Chief Fire Senior Inspector Kenneth Puig nga padayon pang gisuta ang report nga nagsumikad ang sunog sa panimalay ni Jenefer Cencio.
Giklaro pa niini nga dili pa mapiho ang tinubdan sa sunog.
Hinuon mapasalamaton ang opisyal nga wala’y natalang samaran o trap sa maong insidente.
“…naa tay pito ka panimalay ang naapektuhan. Natawag sa atong station around 3:40 in the afternoon, naabot ta dinhi around 3:47, nakit an nato nga dako-dako ang sunog nag declare ta second alarm, around 4 in the afternoon nag declare tag fire under control dayun after 10 minutes nag declare tag fire out. Initial computation mukabat sa 750 thousand pesos…”
Opol Fire Station Chief Fire Senior Inspector Kenneth Puig
Samtang gipamugos sa silingan ni Cencio nga sa si Hazel Agbo nga natingala na lamang ang igsoon niini nga mi-ulbo na ang kalayo sa panimalay sa ilang silingan.
Giklaro pa niini nga aduna’y nagluto sa panimalay ni Cencio sa wala pa natigayon ang sunog.
“…tingala ko nanimaho naman then busikad na diritso ang kalayo nakadagan siya nadala lang niya among mga papers pero wala gyud siya’y nadala pero ok lang atleast safety akong pamilya nuon. Naay nagpabukal og tubil or nagluto or something nga nabiyaan…”
Hazel Agbo, usa sa mga nasunogan
SOURCE: SBPSH
Photo: 90.3 Strong Radio Live
