Hulga nga nadawat sa usa ka biktima sa wala pa kini nasunog-patay sa Indahag ning ciudad, usa sa gilantaw’ng angolo sa kapulisan.

GILANTAW sa kapulisan ang bahad nga nadawat sa usa ka biktima sa wala pa kini nasunog-patay sa Lower Sumpong Indahag ning ciudad!
Matud ni COCPO Spokesperson Police Lt. Col. Evan Viñas nga mas gipalawman sa kapulisan ang imbestigasyon ilabina nga na-ukay sa Blotter sa police station 2 Cogon nga nagpatala na kaniadto si Maggie Epanes batok sa partner niini.
Nalatid sa blotter nga gibaharan ang biktima nga patyon kini hinungdan nga gipalawman ang imbestigasyon batok sa wala panganling hinigugma sa biktima.

“…dunay sister-in-law katong bag-o pa gi-gradwar sa College of Criminology so ato to siyang gi-background check, nagpatala to siya sa Police Station 2 nga siya gi-dagmalan sa iyang partner gi-book nato to sa Violation of RA9262 ug duna pud bahad intense kaayo ilang away nga kutluon gyud ang iyang kinabuhi matud pa sa maong blotter nga atong nabasa, gani man nag file pud kani siya sa criminal complain batok saiyang partner diha pud ato pud ng gi-ablehan nga angolo…”

Samtang giklaro ni Col. Viñas nga gawas kang Maggie Epanes, nagtutok usab ang imbestigasyon kang Melgene Galpo tungod migawas sa initial nga imbestigasyon nga bag-uhay pa lamang na-release ang loan niini hinungda nga gilantaw usab ang angolong pagpanulis.

“…usa pud ni gawas nga ang pamilya bag-ohay palang naka recieve sa ilahang loan sa ilang kooperatiba ato pud ni siyang gi-apil noh, gibuksan tanan angolo kabahin aning nahitabo, ang Cagayan de Oro City Police Office nagpadayon sa pagpalawom ug pagpalapad sa maong imbestigasyon aron matagaan sa hustisya ang panghitabo sa maong pamilya…”
COCPO Spokesperson Police Lt. Col. Evan Viñas.

SOURCE: SH&V
Photo Source: SR LIVE