LTFRB Chair Guadiz, gisuspenso ni President Marcos Jr., tungod sa giingong korupsyon!

GIMANDO ni President Ferdinand Marcos Jr., ang pagsuspenso kang Land Transportation Franchising and Regulatory Board kon LTFRB Chair Teofilo Guadiz lll tungod sa alegasyo’ng korupsyon!
Base sa statement sa Office of the President, dili tugutan sa Presidente ang bisan unsang sayop nga binuhatan sa administrasyon ug nagmando gilayon kini og imbestigasyon mahitungod sa alegasyon.
Hugtanong gikondenar sa Presidente ang “dishonesty ug duplicity” sa pagserbisyo sa publiko.
Una nang gibutyag ni Department of Transportation kon DOTr Secretary Jaime Bautista nga gimandoan si Guadiz nga mohatag og katin-awan sa alegasyon ug korupsyon ug uban pa’ng iregularidad sa ahensya ilabina nga adunay kalabotan sa Public Utility Vehicle Modernization Program kon PUVMP.
Gidugang ni Secretary Bautista nga gi-imbestigaran na sa ahensya ang nasangpit nga alegasyon.

SOURCE:ABS-CBN NEWS
Photo: Rappler