Gilas Pilipinas subling nakabalik sa Asian Games finals human sa 33 ka tuig!
MAKIGTIGI ang Pilipinas alang sa gold medal sa men’s basketball sa 19th Asian Games sa Huangzhou, China !
Human giparot sa Gilas Pilipinas ang host-country nga China sa kulba-hinam nga 77-76 nga kadaugan sa semi-final sa men’s basketball sa tournament kagabii.
Pinaagi sa “go-ahead step-back triple” ni naturalized forward Justin Brownlee sa nahabili’ng 24 ka segundo na-angkon sa Pilipinas ang kadaugan.
Subli’ng gipanguluhan ni Brownlee ang kadaugan pinaagi sa pagpaulan og 33 ka puntos ug gisundan kini ni Scottie Thompson nga adunay 13 ka puntos.
Samtang, gitakdang maka-atbang sa Pilipinas ang Jordan ugmang adlawa alang sa gold medal.
Hisayran nga kini ang pinakaunang higayon nga nakaabot ang national team sa final sa Asian Games sulod sa 33 ka tuig.
SOURCE: ABS-CBN NEWS
Photo: Rappler
