Kadagkuan sa City Hospital, miklaro nga wala pasagde ang biktima-patay human gibunalan og puthaw sa ka-ipon!
GIKLARO sa kadagkuan sa JR Borja General Hospital kon JRBGH nga wala’y kamatuoran ang report kalabot sa giingong napasagdan ang biktimang gibunalan og puthaw sa ka-ipon sa Barangay Canitoan ning ciudad!
Matud ni JRBGH Head Dr. Ferdinand Miranda nga gi-atiman sa triage Doctor sa City Hospital ang biktima una gipa-transfer sa tertiary nga hospital tungod kinahanglang ipa-ubos kini sa operasyon.
Giklaro pa ni Dr. Miranda nga wala’y neuro Surgeon sa Hospital hinungdan nga gi-refer kini sa Northern Mindanao Medical Center kon NMMC aron ma-operahan.
“..ang mga doctor and nurses on duty ilang i-advice ang watcher sa pasyente nga dal on sa tertiary nga hospital. Akong nabasahan nga gibalibaran dili na siya tinuod kay galing ang pasyente gi atiman pero tungod sa iyang sitwasyon nga dili siya ma operahan kay walay mo-opera mao tung advice nga dal on sa Northern Mindanao Medical Center dili balibad kung dili gi-advisan siya nga dal on tungod sa sitwasyon…”
JRBGH Head Dr. Ferdinand Miranda
Dumduman nga patay usa ka 36-anyos nga babaye human gibunalan og puthaw sa kaipon tungod sa silos.
SOURCE: SBPSH
Photo: SR Files
