GSIS gitakdang ilunsad ang express lanes ug hotline alang sa mga magtutudlo sa pampublikong tunghaan!
GITAKDANG magbutang og express lane exclusive alang sa public school teachers ug uban pang empleyado sa Department of Education kon DepEd ang tanang branches sa Government Service Insurance System kon GSIS!
Kabahin kini sa Memorandum Agreement nga gipirmahan ni Vice President ug DepEd Secretary Sara Duterte ug GSIS President ug General Manager Wick Velos nga nagtinguha sa paghatag sa mga magtutudlo og “ultimate customer experience”.
Lakip ang pagmugna og GSIS hotline alang sa inquiries sa magtutudlo ug deployment of account officers nga magsilbi isip official ug exclusive liaison alang sa concerns sa DepEd.
Ubos sa MOA, gikinahanglang adunay annual nga dayalogo tali sa GSIS branches ug counterpart sa DepEd Regional Offices ug Schools Division offices isip venue sa paghisgot ug pagtubag sa mga problema.
Gipasalamatan sa Bise-Presidente ang GSIS nga mituman sa panawagan aron mas dali ang pag-contact kanila sa mga magtutudlo.
SOURCE: ABS-CBN NEWS
Photo: Philippine News Agency
