DOH gitakdang magpadala og LOI batok sa tulo (3) ka botika sa ciudad nga wala misunod sa SRP.

MAGPADALA ang DOH og Letter of Inquiry kon LOI ngadto sa tulo (3) ka mga botika nga wala nagsunod sa SRP!
Human sa gipahigayo’ng surprise monitoring sa Department of Trade and Industry kon DTI-Misamis Orinetal Provincial Office, Department of Health kon DOH-10 ug City Price Coordinating Council kon CPCC sa upat (4) ka botika sa ciudad!
Nakasubay sa DOH Administrative Order No.2022-0015 Department Circular No. 2022-0372, ug Department Circular No. 2022-0612 nga nagtinguha sa pagsiguro nga misunod sa suggested retail price kon SRP ang presyo sa mga gibaligya’ng tambal sa botika.
Matud ni City Price Coordinating Council kon CPCC Chair Atty. Egay Uy nga usa (1) lamang sa upat (4) ka botika nga gi-inspection ang misunod sa SRP sa mga gibaligya’ng tambal.
Gibutyag ni Uy nga ang Food and Drug Administration kon FDA ang magpahamtang og silot ugaling mapamatud-an nga nakalapas sa balaod.
Posibleng mag-atubang usab og multang 2-million pesos ang atubangon sa respondents.

“…yes upat kabuok among gi-inspection kay halfday raman among gipahigayon ato, subo lang sa upat isa lang ang among nakita nga fully compliant nga wala gyud sipyat sa among gimonitor nga medicina nga ni subra sa SRP kining tulo dili lang sa nganlan kay ang mahitabo niini mag issue paman og letter of inquiry ang Department of Health sa ila kay basin na sipyat lang nila sa ilang pricing dayon kung unsa ilang tubag kini i-endorse dayon didto sa Food and Drug Administration kay ang FDA na ang mo follow up niana ug ang FDA na ang mupahamtang og duna man galing kasupakan gyud sa balaud…”
City Price Coordinating Council kon CPCC Chair Atty. Egay Uy.

Dumduman nga miduyog sa inspection team si Councilor George Goking.

SOURCE:CIO/SBPSH
Phoro Source: SPC Medical Center