Cogon United Market Vendors Association, nangayo og lugway sa implementasyon sa price ceiling sa bugas!
NANGAYO’G lugway nga usa ka bulan ang Cogon United Market Vendors Association kon CUMVA sa implementasyon sa price ceiling sa bugas!
Matud ni CUMVA President Franklin Dagcuta nga dili igo ang 15-mil pesos nga cash assistance nga ihatag sa gobyerno hinungdan nga mas maayong extension na lamang ang ihatag aron makabawi pa kini sa nagasto sa pagpalit sa mga sinakong bugas.
Giklaro pa niini nga hatagan una ang mga rice retailer og usa ka bulan aron mahalin pa ang mga baligya ug dili ma-alkansi sa nagasto.
“…DTI kagahapon nga naa sila’y ihatag nga porma para fill upan sa akong sakop pero wala pako ka print out ako pang dal on ugma kay naa man mi meeting ugma. Adto mi mga retailer ilang meetingon. Pinakadabest sa resolution i-extend na lang nila implementation tagaan mi og 1 ka bulan extension igo-igo nga ma dispose namo ang mga bugas. Nahatag ni trader mahal kaayo posible dili nami ma sudlan kung naa man gani mabilin gamay na lang nga alkansi..”
CUMVA President Franklin Dagcuta
SOURCE: GMCDO
Photo: Juanderful Kagayan
