Rekomendasyon nga magpahamtang og mandated price ceiling sa bugas sa nasud, aprubado ni President Marcos Jr!
GI-aprubahan ni President Ferdinand Marcos Jr., ang rekomendasyon nga magpahamtang og mandated price ceiling sa bugas sa nasud!
Ang pag-apruba, pinaagi sa pag-isyu sa Executive Order No. 39 nga gipirmahan ni Executive Secretary Lucas Bersamin nga pinitsahan sa Agosto 31 ning tuiga.
Tumong sa EO nga masiguro nga makatarunganon ang presyo ug sayong ma-access ang nag-unang pagkaon sa Pinoy nunot sa naka-alarmang pagsaka sa mga retail price sa kamerkadohan.
Ang pagtakda og price ceiling, pinasubay na usab sa rekomendasayon sa DA ug DTI.
Hisayran nga ubos sa EO 39, ang price ceiling alang sa regular milled rice angayang anaa sa 41 pesos matag kilo samtang ang price cap sa well-milled rice kinahanglang anaa lamang sa 45 pesos matag kilo.
Magpabilin epektibo ang mandated price ceilings gawas kung I-lift sa Presidente.
SOURCE: SMNI
Photo: Philippine Star
