Sugyot nga nag-tinguhang maghatag og trabaho sa mga senior citizen, giduso sa ACT-CIS Partylist ug duha (2) ka magbabalaod.

GIDUSO sa ACT-CIS Partylist ug duha (2) ka magbabalaod ang usa ka sugyot nga nag-tinguhang maghatag og trabaho sa mga senior citizen nga buot magtrabaho!
Ubos sa House Bill 8971, kinahanglang maggikan sa senior citizens sector ang usa ka porsyente sa workforce sa usa ka pribadong kumpanya o ahensya sa gobyerno.
Matud ni ACT-CIS Representative Erwin Tulfo nga kinahangalang aduna 100 or more ka empleyado lamang ang mahimong motuman niini kung hingpit nga mabalaod.
Kinahanglang hatagan og incentives sa mga kumpanya ang senior citizen nga mahimong empleyado.
Dumduman nga niadtong milabay’ng semana lamang giduso sa nahisgutang partylist ang sugyot nga nagmando sa mga private op public company nga maggahin usab ug 1-percent sa workforce alang sa mga Person with Disability.

SOURCE: PHILSTAR
Photo Source: ABS-CBN News