Sports Columnist, gi-reveal ang final 12 sa Gilas Pilipinas nga modula sa FIBA World Cup.
NAGPABILING wala gipagawas sa Gilas Pilipinas ang final 12 nga modula sa umaabot FIBA World Cup!
Matud ni Gilas Coach Chot Reyes nga gamiton ang tune-up games batok sa Cote D’Ivoire, Montenegro ug Mexico isip basehan sa pagpili sa final 12.
Sa nasangpit nga tune-up games midaog lamang ang koponan og usa ka higayon batok sa Ivory Cost ug napildi batok sa Montenegro ug Mexico.
Wala pa’y plano si Coach Reyes sa pagbutyag sa final 12 apan gi-reveal kini sa usa ka Sports Columnist.
Lakip sa gibutyag sa final 12 silang Jordan Clarkson, Scottie Thompson, Dwight Ramos, Japeth Aguilar, June Mar Far Fajardo, AJ Edu, Kai Sotto, Jamie Malonzo, CJ Perez , Roger Pogoy, Kiefer Ravena ug Rhenz Abando.
Hinuon, dili pa kini official hangtud mag-anunsyo ang Samahan ng Basketball ng Pilipinas kon SBP una ang deadline karung adlawa.
SOURCE:INQUIRER SPORTS
Photo Source: SPIN.ph
