Usa ka lalaki, patay human nahulog sa hagdan sa ikaduhang andana sa boarding house sa Barangay 27 ning ciudad.

PATAY ang usa ka lalaki human gituhuang nahulog sa hagdan sa ikaduhang andana sa boarding house sa Barangay 27 ning ciudad!
Ang 50-anyos nga biktimang patay nailang si Rainer Lamoste.
Matud ni Libeth Nala, igsoon sa biktima nga posibleng lango sa ilmnong makahubog si Lamoste hinungdan nga nahulog kini sa hagdan.
Giklaro pa niini nga kanunay na mahulog ang biktima panahon mahubog hinungdan nga wala sila magdahom nga makabsan kini sa kinabuhi.
Posibleng nabunal ang ulo sa biktima hinugdan sa kamatayon niini.

“…palahubog man gyud na sauna daan, bulag sa iyang asawa kay palahubog gi byaan sa iyang asawa tungod sa iyang pagkapalahubog, nahulog daw na siya sa hagdan, ipadala lage unta na sa hospital ganina pag abot sa 911 nga ambulance niana nga dili naman madala siguro, lain mana siya kay sige nana siyag kahulog man gud pero mutindog rag iyaha, hubog daw na niuli gabii…”
Libeth Nala, ig-agaw sa biktima.

Samtang gikabutyag ni Police Station 2 Cogon Investigator Police Chief Master Sergeant Feliciana Belhot nga dili na ipa-autopsy sa pamilya ang lawas sa biktima.
Nasuta usab base sa SOCO nga wala’y foul play sa kamatayon ni Lamoste.

“…according sa pag imbestigar namo sa napalgang patay nga lawas nga mao si Rainer Lamoste kini siya gitan-aw ni siya sa SOCO personnel og ang iyang tibuok lawas walay nakit-an nga samad or bukol sa ulo, pero naa siyay dugo nga nigawas sa iyang baba ug ilong, tong naka dungog nga naay nahulog alledgedly nahulog gyud daw kay naa may nilabunog, nadunggan lang nila nga naay lagubo wala man gyud samad nga nakita, wala man gale maski bukol, mao to nga ang pamilya gi advisan namo nga magpa autopsy para makita gyud kung unsay insakto nga cause of death niya…”
Police Station 2 Cogon Investigator Police Chief Master Sergeant Feliciana Belhot.

SOURCE: SR LIVE/#27
Photo Source: SR LIVE