Mga suspetsado sa pagpanulis sa GoldMega Pawnshop, hingpit nang napasakahan og kaso!

HINGPIT nang napasakahan og kaso ang unom (6) ka suspetsado sa pagpanulis sa GoldMega Pawnshop sa Jr. Borja Barangay 32 ning ciudad!
Matud ni COCPO Spokesperson Police Lt. Col. Evan Viñas nga gawas sa unom ka suspek napasakahan usab ang laing Unom (6) ka inidibidwal nga giingong mao’y nagpaluyo ug mitabang sa mga tulisan.
Gipadayag pa sa opisyal nga naghulat na lamang kini sa desisyon sa City Prosecutors Office ilabina nga patong-patong nga kaso ang gipang-atubang sa mga responsable.
Samtang gipamugos ni Viñas nga wala’y pu-as ang monitoring karon sa kapulisan aron masiguro nga dili na mausab ang maong insidente.

“…kabahin sa pagpanulis sa MegaGold jewelry so karon hulat lang ta sa resolution sa City Prosecutor office. Unom ug mukabat ngadto sa napulo, dose ka personalidad pagpahigayon natog imbistiga duna may nagtunga nga nitabang sa modos operandi..”
COCPO Spokesperson Police Lt. Col. Evan Viñas

Dumduman nga mikabat sa 8 to 9 million pesos ang natangag sa tulisan sa nahisgutang Jewelry Pawnshop niadtong Agosto 1 ning tuiga.

SOURCE: P.I #7
Photo: SR Files