Higalaay Festival, gilunsad karung adlawa!
GILUNSAD ang Higalaay Festival sa Cagayan de Oro Boulevard karung adlawa!
Nunot sa Kapistahan sa St. Augustine.
Gisugdan ang programa alas 4 kaganihang hapon.
Pipila ka mga personahe sa Kapulisan ang gideploy sa lugar alang sa pagsiguro sa seguridad sa personalidad nga mobisita.
Nagkalain-laing counterparts usab sa government agency ang present sa grand launching sa Higalaay Festival sama sa Armed Forces of the Philippines kon AFP ug Task Force Oro.
Matud ni COCPO Spokesperson PLt. Col. Evan Viñas nga nagkadaiyang preventive measures ang gipatuman alang sa kalihukan.
“..atoang security personnel naa gyud sa nagkadaiyang strategic location sa atong venue sa atong higalaay festival launching. Kauban nato atong counter parts sa other government agency. After sa pag-pahigayon og clearing operation ug paneling ayha pa sila gipabalik. Ubay ubay arong personnel nga maghatag og seguridad..”
COCPO Spokesperson Plt. Col. Ivan Viñas
Samtang, pipila ka kadalanan ang temporaryong gisirad-an sa ciudad alang sa nasangpit nga kalihukan.
Sama sa dalan sa Capistrano, Montalban ug padulong sa Jr. Borja street.
Matud ni RTA Spokesperson James Andrade nga nangayo kini og pagsabot sa katawhan hinuon manageable ang dagan sa trapiko sa ciudad apan aduna lamang pipila ka bahin sa dalan nga makasinati og pagkabukog sa trapiko.
“..although manageable ang dagan sa trapik karon. Naa tay Capistrano, Montalban ug close pod ning Jr. Borja padulong sa Burgos nga street…”
RTA Spokesperson James Andrade
SOURCE: SRLIVE
Photo: SR Files
