Pamilya sa 19-anyos nga gituhuang gitortured-patay sa Barangay Tisa Cebu City, nanawagan og hustiya!
HUSTISYA ang panawagan sa pamilya sa 19-anyos nga gituhuang gitortured-patay sa Barangay Tisa Cebu City!
Ang biktimang giilang si Rhea Mae Tucmo, lumad nga molupyo sa Barangay San Antonio Jasaan Misamis Oriental.
Matud ni Rotche Tucmo Poblacion, kinsang igsoon sa biktima nga susamang wala’y kalooy ang mipatay sa iyang igsoon tungod gisulod kini og gamay’ng karton ug gihiktan og liston sa sapatos ang liog, tiil ug kamot sa biktima.
Giklaro pa niini nga igo lamang mangita og trabaho ang biktima sa Cebu apan nakurat na lamang kini nga napalgan na lamang kining patay sa lugar.
Dugtong niini, nanawagan si Poblacion sa kapulisan sa Cebu nga unta mas palapdan pa ang imbestigasyon aron mahatagan sa hustisya ang kamatayon sa igsoon.
“…lisud kaayo dawaton samot na nga inana man gud iyang pagkamatay brutal kaayo murag unsa kadako ang sala sakong manghud nga gi inana nila, mao ng gipangayo namo sa tibuok pamilya nga matagaan sa hustisya akong maghud kay dili lalim, dili gyud lalim among gibati karon sakit kaayo among gibati karon kay buotan man gud kaayo na siya nga pagkabata ambot ngano, wala ko kabalo unsay sala nganong giinana nila, nanghinaot mi nga tabangan mi sa nag gunit ani nga kaso nga ipugos gyud nila nga makakuha sa ebidensya nga makapamatuod nga mao na siya ang nag buhat, daghan man gud angolo nga gi connect-connect kay saiyang pagkakita sa iyang lawas sa crime scene wala man gud nakita iyang cellphone ug iyang wallet tapos according sa initial nga report sa iyang autopsy kay after 2 weeks paman daw to ma kuan ang cause sa iyang pagkamatay katong sa liog niya…”
Samtang padayong nakig-koordinar ang pamilya sa biktima sa kapulisan sa Cebu aron masayran ang motibo sa pagpatay sa igsoon tungod sa brutal nga pagpatay sa biktima.
“…sa Cebu wala pagyud kaayo silay gipagawas kaayo nga mga impormasyon ilahang sang gi imbestigahan og maayo nga unsa gyud, gina connect-connect nila ang ilang mga nakuha nila nga evidence sa mga pulis karon nag asa sa gyud mi sa nag gunit ani nga kaso nga unsa mga update nila bahin sa akong manghud…”
Rotche Tucmo Poblacion.
Hisayran nga mga higala lamang sa biktima ang kaubang sa Cebu tungod mangita kini og trabaho niadtong July 17 ning tuiga dihang natigayon ang insidente.
SOURCE: SRLIVE
Photo Source: SRLIVE
