Pagsalmot sa mga magtutudlo sa National Learning Camp kon NLC, dili pugsanay!
GIKLARU sa DepEd-CDO nga wala gipugos ang mga magtutudlo sa pagsalmot sa National Learning Camp kon NLC!
Matud ni DepEd-CDO School Division Assistant Superintendent Dr. Audie Borres nga dili mandatory ang pagsalmot sa learning camp apan gi-aghat ang mga magtutudlo alang sa kaayohan sa mga tinun-an.
Advantage sa magtutudlo ang pagsilbi sa Learning Camp tungod makakuha og service credit nga mahimong gamiton kung mag-absent, kung adunay bati-on sa panglawas.
“…kini man gud atong, dapat kitang tanan makatimbayayong magtutudlo kay dayag man ang problema sa education, boluntaryo atong panawagan niini gani advantage ni nila kay inay nga mag bakasyon sila kung mo serve sila karon isip mag tutudlo sa atong mga bata naa silay ma earn nga service credit, kani bitaw mga teachers nga mag absent intawon tungod kay mag sakit-sakit so instead nga maminusan ilang inadlawan nga sweldo dili na kay ihapak na ning service credit ilang ma earn kung mag serve sila sa umaabot nga Learning Camp…”
DepEd-CDO School Division Assistant Superintendent Dr. Audie Borres.
Hisayran nga sugdan ang NLC sa katapusang bahin ning bulan.
SOURCE:P.I/#8
Photo Source: Phil Star
