Parliamentary sessions sa Kosovo, miresulta sa kagubot!
MIRESULTA sa kagubot ang parliamentary session sa Kosovo!
Nagsugod ang kagubot human sa tulo (3) ka adlaw nga debate sa mga magbabalaod kalabot sa usa ka audio recording.
Tali sa usa ka myembro sa ruling party ug opisyal gikan sa Serbs.
Una mi-ulbo ang kagubot, samtang nag-estorya si Prime Minister Albin Kurti makita ang litrato niini sa podium nga gibutangan og taas nga ilong susama sa karakter ni Pinocchio.
Giingong gibutang kini sa usa ka myembro sa oposisyon isip protesta.
Gilayon kining gikuha ni Deputy Prime Minister Besnik Bislimi sa podium ug gigisi.
Apan, kalit lamang miduol ang usa ka myembro sa oposisyon sa podium ug gisabligan og tubig sila’ng Prime Minister Kurti ug Bislimi.
Nag-abot sa tunga ang mga magbabalaod.
Nahunong lamang ang tensyon human nanghilabot ang mga Pulis.
SOURCE: GMA NEWS/REUTERS
Photo: NBC News
