Menor de edad nga lalaki, gipusil-patay sa Solana, Jasaan Misamis Oriental!

GIPUSIL-PATAY ang usa ka menor de edad sa riding in tandem sa Solana , Jasaan, Misamis Oriental!
Biktima 17-anyos, part-time helper sa usa ka motor parts shop ug residente sa nasangpit nga lugar.
Base sa initial nga imbestigasyon nga unang nag-inquire ang backrider nga suspek sa shop og DS1 spray una niini gipusil ang biktima.
Naka-angkon ang biktima og tulo ka samad-pinusilan sa nagkalain-laing parte sa lawas.
Narekober sa crime scene ang upat(4) ka 9mm empty shell, ug duha (2) ka slag.
Matud ni Jasaan Municipal Police Station Investigator Police Staff Sergeant Jennifer Ral nga aduna na kini person of interest apan dili mahimong ibutyag tungod nagpadayon ang imbestigasyon.

“..maraming mga person of interest pero di pa ma public kay kamulo pa ang investigation. Naa silay giayo nga motor, naay gi abot nga motor then naay backrider then ang backrider nag attempt og inquire sa tag iya paghuman nibalik sa motor human ato niduol na siya sa victim then iyang gipusil dayun diritso kay naa ra sa kilid ang victim. Naka helmet ug naka t-shirt nga gray dayun ang motor honda wave ang backrider naka jacket nga gray, cover sa nawng ug naka red nga bull cap. Na recover sa crime scene 4 ka empty shell ug duha ka slug nga nabilin sa crime scene..”
Jasaan Municipal Police Station Investigator Police Staff Sergeant Jennifer Ral

SOURCE:P.I/#8
Photo: Ma De FB Account