Lalaki nga napalgang gisunog-patay sa Brgy. Tugaya, Valencia Bukidnon, nagpabiling wala maila!
NAGPABILING wala maila ang usa ka lalaking napalgang gisunog- patay sa Brgy. Tugaya, Valencia Bukidnon!
Gibana-banang nagpangidaron ang biktima og 22 ngadto 30 anyos.
Base sa imbestigasyon nga bu-ak ang ulo sa biktima, sunog ang nawong nga bahin lakip na ang kinatawo gamit ang gituohang gas.
Matud ni Valencia City Police Station Chief of Police, Police Lieutenant Mitchel Clemencio nga sa initial nga imbestigasyon sa Kapulisan dili sa nasangpit nga lugar gipatay ang biktima.
“…wala na kay base sa among investigation igo nalang siya gilabay, meaning gilabay siya didto nga patay na, didto nalang pud dayon siya gi sunog ang iyang private part ug iyang nawong gani basin gi conceal nila, gitago nila ang identity, sagrado man ang tao mo abot ra gihapon ang mga adlaw nga maila nato ning maong biktima…”
Samtang, kasamtangang gipangita sa Kapulisan ang mihatag sa impormasyon kanila kalabot sa biktima.
“…permiro tungod kay kadlawon man ang iyang nakita nga murag naay nagsunog so niagi rapud siya, pagbalik niya nga hayag na, mao ning gipangita pud namo ning maong kuan kay wala pud namo nakuha kung unsay ngalan gyud but alledgedly ang stroya kay naay miagi dayon nakita nga nag siga so wala lang siya kay nagtoo lang siya nga nag sunog lag sako, kami amo pa gyud gipangita kung kinsa to siya nga tao…”
Valencia Municipal Police Station Chief of Police, Police Lieutenant Mitchel Clemencio.
SOURCE:P.I/#8
Photo Source: Loreto Sambas FB ACCOUNT
