Paglambo sa ekonomiya sa ciudad, gipasigarbo ni Mayor Uy atol sa State of City Address niini!

GIPASIGARBO ni Mayor Rolando Uy ang paglambo sa ekonomiya sa ciudad!
Alayon sa gipahigayong State of the City Address niini dungan sa pagsaulog sa 73rd Charter Day sa dakbayan.
Matud ni Mayor Uy nga taliwala sa pandemya nga nasinatian niadtong tuig 2020-2021 apan padayon pa gihapon ang pagbu-bo sa investment sa mga negosyante.

“..natagaan nato og prayoridad ang pagpadayon sa paglambo sa mga patigayon sa dakbayan. Ang pagbarug balik sa mga patigayon nga naapektuhan sa pandemya ug paghatag og disente nga trabaho sa tanan nga gusto maningkamot nga molambo sa natad sa agrikutura, industriya, pabrika, tourismo, komersiyo ug uban nga natad sa serbisyo…”
City Mayor Rolando “Klarex” Uy

Samtang gihatagan usab sa pagtagad ni Mayor Uy ang mga gagmay’ng patigayon susama sa mga sidewalk vendors partikular sa Cogon area.

“…kasagaran nga nakadawat og livelihood support ang patigayon nga wala gani business registration. Nagatuo ako nga mas maplastar nato ang mga patigayon sa dakbayan kung ma-rehistro kining tanan sama sa mga sidewalk vendors nga nahimong problema sa trapiko diha sa Cogon sa niaging mga tuig…”
City Mayor Rolando “Klarex” Uy

SOURCE: SRLIVE
Photo: Rolando A. UY