19 anyos nga Engineering student, gituohang gilugos-patay!

PATAY ang usa ka Engineering student sa Balongis, Brgy. Balulang ning ciudad!
Biktima 19 anyos giilang si Kisha Enclonar residente sa Navarete Compound sa nahisgutang barangay.
Subay sa report, padulong og skwela ang biktima dihang nahitabo ang insidente.
Igsuon’g lalaki ang nakakita sa patay’ng lawas nga nagbuy-od sa sala sa ilang panimalay.
Nagtuo kini nga nakuyapan lamang ang biktima tungod sa kabilar ug gisulayan pagdala sa hospital.
Matud ni Carmen Police Station Investigator Police Master Sgt. Hernan Abalde nga sutaon pa kung gilugos ang biktima una gipatay.
Beripikahon usab sa kapolisan kung tinuod ang report nga anak sa usa ka aktibo’ng police ang suspect.

“…ato panang gi request kung naay laceration nga nahitabo sa iyang patay’ng lawas sa maong biktima, ato panang gina verify ang maong report nga atong nadawat kay atong i-comperma pud kung mao ba gyud ni iyang anak pud…”
Carmen Police Station Investigator Police Master Sgt. Hernan Abalde.

Una nang gibutyag ni Marjon Enclonar, amahan sa biktima nga posibleng kawat ang motibo tungod nawala ang cellphone sa biktima ug misukol kini nga miresulta sa pagpatay.

“…nawala man gyud iyang cellphone basin kato moy tuyo basin ni sukol siya mao ng giluba siguro, naa may nakakita nga silingan kaganina, wala naman gud iyang upper hubo na siya pero iyang pants naa pa pero ang iyang upper wala na diha…”
Marjon Enclonar, amahan sa biktima

SOURCE: SR LIVE
Photo Source: SR LIVE