Kamatayon sa usa ka lalaking napalgan sa Coastal road Brgy. Lapasan ning ciudad, wala’y foul play!
WALA’Y foul play nga nahitabo sa kamatayon sa usa ka lalaking napalgang naglutaw-lutaw sa Coastal road, Brgy. Lapasan ning ciudad!
Giila kini nga si Barry Villanueva Adino, 33-anyos ug residente sa San Juan, Brgy. Lapasan.
Matud ni Police Station 3 Agora Chief Investigator Police Master Seargeant Rex Dalogdog nga giingong patolon ang biktima ug gani gidid-an kini sa iyang inahan sa tubig.
“..sigun pod sa istorya sa silingan nga aduna ni siya sakit nga kon sa binisaya pa patol. Istorya sa iyang mama nga gi bawalan nga muanha diha sa tubig pero ganahan man kaayo siya muanha. Sa nagka karon na panahon nakalingkawas gikan sa ilang panimalay aron muanha, ingon nga maligo, magpa hangin hangin ganahan gyud siya sa daplin dagat. Iyang samad maklaro man nimo nga naigo sa bato puno pa kini og bula, bula gyud nga nagka on og powder nga sabon nga ipabula nimo..”
Police Station 3 Agora Chief Investigator Police Master Seargeant Rex Dalogdog
Hisayran, nga naka-angkon ang biktima og mga samad-samad tungod sa bato.
SOURCE:#19
Photo: 90.3 Strong Radio Live
