Usa ka lalaki, gipusil patay sa Villa Angela, Brgy. Balulang ning ciudad!
GIPUSIL-PATAY ang usa ka lalaki sa Villa Angela Brgy. Balulang, ning ciudad!
Giila ang biktimang si Emmanuel Agbon Jr., residente sa Brgy. Macabalan, menyo ug usa ka regular employee sa food and beverage company ning ciudad samtang giila ang angkas niini nga si Alyas Vanvan.
Base sa initial nga imbestigasyon gahabal-habal ang biktima isip sideline pang-gasolina, ug gipakyaw kini ni Alyas Vanvan kinsang gituohang maoy puntirya sa gunman.
Matud ni Jade barkada sa biktima nga susamang nadamay lamang ang biktima sa angkas niini.
“..wala nay kabikil kay buotan man ng tawhana gyud, buutan wala kay maistorya niya di sad na siya moinom kung walay selebrasyon ba. Katung angkas daw niya ka-istorya nako ang silingan, gipakyaw daw na siya nagpahatod daw to silingan japon namo nagpakyaw sa iya. Gikan lagi sa Singapore kani siya gahabal-habal gikan siya trabaho mouli siya habal-habal dayun siya. Layo iyang gitrabaho-an Baloy baya, Vanvan karon pagpadulong daw dadto wala pa daw to nahitabo karon pagbalik na nila pag uli gisundan daw sila gikan kung asa sila gikan. Gipara daw ni sila mao tung nakahunong sila kato daw’ng Vanvan gi tiunan daw’g 45 sa baba didto naigo kay Emmanuel. Puntirya siguro katung angkas nadamay lang siya kay wala nay atraso nga tao kay kaila ko ana…”
Jade barkada sa biktima
Gidugang pa ni Station 4 Deputy Commander Police Captain Lorenzo Ocon nga blangko pa kini sa motibo sa pagpamusil ug naglaum nga mokooperar ang mga adunay kasayuran sa paghatag impormasyon.
SOURCE: #16 Genard GAnapin
Photo: Strong Radio 90.3 FM Kusgan
