DSWD-10, naghulat na lamang og technical support aron mapatuman ang QR Code-based system sa paghatag ayuda sa rehiyon!

NAGHULAT na lamang og technical support gikan central office ang DSWD-10 aron mapatuman ang QR Code-based system sa paghatag ayuda sa rehiyon!
Matud ni DSWD-10 Acting Information Officer Oliver Inodeo nga andam ang field office 10 sa pag-adopt sa sistema nga una nang gipatuman sa kaulohan.

“..dili sa field office 10 naghulat lang tag technical assistance gikan sa central office kay nanginahanglan man ang atong mga equipo og katong ilang ipang install nga mga software application para sa maghimo og QR code kay direkta nana siya paingon sa database…”
DSWD-10 Acting Information Officer Oliver Inodeo

Hisayran nga sa QR Code-based system mogawas ang impormasyon kung kanus-a mamahimong mobalik sa buhatan ang indibidwal nga mangayo’g tabang base sa assessment sa panginahanglanon.

SOURCE: GMCDO
Photo: Davao Today