Panagbangga tali motorsiklo ug cargo truck sa Kalilangan, Bukidnon, motorsiklista patay!

PATAY ang usa ka motorsiklista sa Sayre Highway, Purok 3, Barangay Lampanusan, Kalilangan, Bukidnon!
Human mibangga sa usa ka cargo truck.
Biktima giila usa ka 19-anyos, single ug residente sa nasangpit nga lugar samtang, driver sa cargo truck, 27-anyos, menyo ug residente sa Purok 7, sa nahisgutang lugar.
Base sa inisyal nga imbestigasyon nagparking ang cargo truck sa kurbadang portion sa highway, nag-okupar sa katunga sa roadway samtang naka-on ang hazard lights samtang ang motorsiklo naglatas sa nasangpit nga highway paingon sa Kalilangan Bukidnon.
Apan pag-abot sa lugar sa nahitaboan wala mabantayi sa motorsiklista ang cargo truck rason nga mibangga sa rear portion.
Naka-angkon ang biktima og injuries sa nagkalain-laing parti sa lawas ug gidala sa balay-tambalanan apan gideklarar nga dead on arrival.
Kasamtangang, nakakustodiya ang driver sa cargo truck sa Kalilangan Municipal Police Station.

SOURCE: #28
Photo: Kalilangan MPS