Pagbaligya og 20 pesos per kilo nga bugas sa minimum wage earners, dako’g epekto sa rice retailers sigon ni CUMVA President Dagcuta!

DAKO’G epekto sa retailers ilabina sa kamerkadohan ang pagbaligya og 20 pesos matag kilo nga bugas sa mga minimum wage earners!
Kini ang reaksyon ni Cogon United Market Vendors Association kon CUMVA President Franklin Dagcuta.
Matud ni Dagcuta nga dako kini’g impact nga mawad-an sila og mamalitay sa bugas.
Gidugang ni Dagcuta nga unta gisiguro sa gobyerno nga ang mga walay eksaktong kinitaan ang makapalit o makakaon sa nasangpit nga baratong bugas.
Tungod ang mga adunay trabaho siguradong makapalit og bugas matag adlaw.

“..kana dako kaayo na nga epekto kanamo nga mga retailer ilabi na sulod sa kamerkaduhan kay ngano barato ba na 20 pesos ang kilo, dako kaayo na nga impact nga mawad an gyud mig mamalitay labi na kana nga bugasa pang masa which is nga ang mga tao nga mamalit mostly sa Cogon Market mga masa baya so ambot ngano ing ana na sa gobyerno nga diha man nila gipuntarya sa mga company mga labor sector nga buot atong sumahon gadawat naman sila sa suweldo nga matod pa tama-tama ilabi na kay naay so makapalit sila sa mga bugas nilang gusto. Dapat unta gihuna-huna sa gobyerno ang pinakabaga gayud nga nia sa sulod sa kamerkaduhan nga ilabi na katung wala’y mga eksaktong trabaho, wala eksaktong income mao unta ilang siguro nga maoy makapalit or makakaon niana nga bugas kay barato affordable kanila, kini man gyung nanarbaho na gadawat man kag adlaw nga suweldo sure mana sila makapalit og bugas matag-adlaw..”
CUMVA President Franklin Dagcuta

SOURCE: SHV
Photo: PTV News