Inahan, nalumos-patay sa resort sa Opol!
PATAY na nga napalgan ang usa ka ginang sa usa ka resort sa Opol Misamis Oriental!
Naila ang biktima nga si Joylen Janubas Soblado, 34-anyos, taga Malaybalay Bukidnon.
Matud ni Opol Municipal Police Station Investigator PCpl. Judy Maboloc nga alas 2:30 kapin kon kulang sa kahaponon nakita ang biktima nga galutaw sa kabay-bayonan.
Gidugang pa nga after lunch nagdungan og pangaligo ang biktima ug anak niini nga 15-anyos apan wala na nakabalik ang biktima human nibalik sa cottage ang minor aron mokaon.
“..igo pud niuli sa cottage iyang anak kay nagkaon, nabantayan niya nga iyang mama wa na kabalik so mao to nga pagkuan nag lutaw-lutaw na iyang mama, napalgan nga nag lutaw-lutaw. Base sa katong bata kay 10 years old man iyang bata, mga after lunch daw ato lang e kuan nga alas dose to ala una tapos nakita na iyang kuan mga alas dos medya na. Wala man siya nakapangayog tabang gipangita iyang mama, na anod man jud iyang mama..”
Opol Municipal Police Station Investigator PCpl. Judy Maboloc
SOURCE:OPOLMPS
Photo: Jamil Qlab
