Gibilin nga puya sa Cathedral church, imbestigaran sa CSWD ug WCPD!
IMBESTIGARAN sa City Social Welfare and Development kon CSWD kauban ang Police Station 1 Divisoria Women and Children Protection Desk kon WCPD ang usa ka babaye nga tigulang nga nagpa-ila nga lola sa puya nga gibilin sa Cathedral Church!
Aron mahibal-an kung unsay tinuod nga rason sa pagbilin sa nahisgutang puya.
Matud ni CSWD-ORPC Head Cherikhawa Paña nga wala nila gi-turn over ang puya sa nasangpit nga lola.
Kasamtangang ana-a ang puya sa ilang kustodiya human gipailawom sa medical examination kagahapong adlawa.
“..under investigation pa sa WCPD Police Station 1. Kaning mga kaso nga ginabilin sa simbahan naa gyuy mga ing ani sa una pa lang ‘no ang history pa lang nato daghan nag gibilin tapos naa pod mga bata nga gipangbilin nga lain sa lain-lain nga area pero mao lagi kana ato ‘pag nag-imbestigahan maayo kung ngano man gyud gibilhin kung unsa man gyud mga rason atong pangitaon ‘pag ayo..”
CSWD-ORPC Head Cherikhawa Paña
SOURCE: SRLIVE
Photo: Ctto
